సాహిత్యంలో హాస్యం - 234

# బ్రతికి చెడుట 
మన పరిస్థితి దిగజారి పోయినప్పుడు మనం మన స్థాయికి తగని పనులు చేస్తాం. అలాంటి పరిస్థితుల్లో మనం స్వతాహాగా పడే బాధ కంటే ఎదుటి వారి పరామర్శ వాళ్ళ కలిగే  బాదే ఎక్కువ.

ఒకసారి ఒక పండితుడు తన స్థాయికి తగని పనిని చేయాల్సి వొచ్చింది. అది ఏంటంటే రాజు గారి పల్లకి మోయడం. తనకి అలవాటు లేని పని అవడంతో ఆ పండితుడు పల్లకి మోయడంలో ఇబ్బంది పడుతున్నాడు. అది గమనించిన రాజు జాలి పడి ఇలా అన్నాడు
                 ఆయమాందోళికా దండక
                 కక్షక్కిం తవ భాదతి 

అది వినిన ఆ పండితుడు బదులుగా
                నాయమాందోళికా దండక
                తవ భాదతి భాదతే

రాజు తప్పుగా వాడిన భాదతి అనే శబ్దం భాదించినంతగా ఈ పల్లకి ఎం భాదించడం లేదని తన ఆవేదన.

ఆందోళికా దండ - పల్లకీ కొయ్య
ఆందోళన - ఊగడం

# నానాటికి తీసికట్టు నాగంబట్టు 

                  ఏ నాటి అగ్రహారము మీనాటికి
                 కండ్రిగాయే మీ పని దీరెన్
                 మానాడు మాన్యమయ్యెను
                 నానాటికి తీసికట్టు నాగంబట్టు 

పౌరుడు - అగ్రహారం
కండ్రిగ - 100 ఎకరాలు
మాన్యం - ~ 10 నుండి 25 ఎకరాలు
భోగం - ఉత్సవం

# నవ్వు నాలుగు విధాల చేటు మరి ఏడుపో?

ఏడుపు ఏడూ విధాల మెలత
1. కళ్ళలోని క్రిములు బయటికొస్తాయి
2. హృదయభారం తేలికవుతుంది
3. ఏడ్చేవారికి గుండె నొప్పి ఉండదు (ఆడవాళ్ళకు అందుకే రాదు)
4. కళ్ళ నొప్పులు తగ్గుతాయి
5.  కళ్ళలోని 37 రకాల కండరాలు బలపడుతాయి
6. మగ, ఆడ వాళ్ళలో హార్మోన్లు ఏడుపు వల్ల పెరుగుతాయి
7. ఏడ్పు నటించడం వల్ల చాల పనులు జరుగుతాయి 

సాహిత్యంలో హాస్యం - 233

# ప్రార్థనా శ్లోకం
           మండుటెండలోన మర్రి నీడనుబోలి అభయహస్తమొకటి శుభము జూపు
           అదియె లేకయున్న అమ్మవో బొమ్మవో ఎవరు నిన్ను గూర్చి ఏడ్చువారు

# మేకపోతు గాంభీర్యం

మనకి ఎపుడైనా మనకంటే బలవంతులైన వారిచే ఆపద ఏర్పడ్డప్పుడు తెలివితేటలతో, మాటలతో తప్పించుకొనవచ్చును. దానికి ఒక జాతీయమే మేకపోతు గాంభీర్యం.

ఒకసారి ఒక మేకపోతు దారి తప్పి అడవిలోకి వెళ్ళిందట. భయపడుతూ ఉన్న ఆ మేకపోతుకి ఒక సింహం ఎదురైంది. అసలే భయపడుతూ ఉన్న ఆ మేకకి ఇక తను చావక తప్పదు అనిపించింది. కాని చనిపోయేముందు ఈ సింహం భారి నుండి తప్పించుకోడానికి తన వంతు ప్రయత్నం చేద్దాం అనుకుంది.  మేకపోతుని ఎప్పుడూ చూడని సింహం, ఆ మేకపోతుకి ఉన్న గడ్డాన్ని చూసి ఇలా ప్రశ్నించింది.
       "ఏంటి ఎవరు నీవు? వింతగా గడ్డం అలా పెంచావు. నా జూలు చూసావా ఎలా ఉందో". అప్పుడు ఒక మెరుపు లాంటి ఆలోచన ఆ మేకకు తట్టి ఇలా పలికింది -
                      "అహమేక శతం వ్యాఘ్రాం
                      పంచవింశతి కుంజరాన్
                      ఏక సింహంన భక్ష్యామి
                      గడ్డంతేన విముచ్యతే"

ఇప్పటి వరకు వంద పులులను చంపాను. ఇరువది అయిదు ఏనుగులను తిన్నాను. ఒక్క సింహాన్నైన తిననిదే ఈ గడ్డం తీయనని  ప్రతిజ్న చేసాను.  అది వినిన సింహం భయపడి పరుగో పరుగు. అద్గదీ మేకపోతు గాంభీర్యం అంటే.


- తెలివి తేటలు మనల్ని కాపాడుకోడానికి, పరులను రక్షించడానికి ఉపయోగించాలి కాని మోసం చేయడానికి కాదు
- తెలివి తేటలు పర భాషలోనే చదువుతే వస్తాయని కాదు. మాతృభాషలో అభ్యసించినా వస్తాయి. 30 ఏళ్లుగా ప్రభావితం చేస్తున్న ఆంగ్ల భాష డబ్బులు, ఉద్యోగాలు, భోగాలను ప్రోత్సహిస్తుంది.

# సూక్ష్మ దృష్టి - బొంగరం మీద (వెంకట పార్వతీశ్వరులు)
                 రింగు రింగున తిరుగునీ బొంగరంబు
                 ఏమి వ్రాయుచునున్నది ఈ ఇసుకలోన
                 బడికి పోలేదు పుత్తంబు పట్టలేదు
                 ఎట్లు వచ్చినదో దీనికింత చదువు


కవిత్వమనేది వస్తువులో ఉండదు. చూసేవాడి దృష్టిలో ఉంటుంది. కవిత్వానికి కావాల్సింది క్రాంత దర్శన. అదే సూక్ష్మ దృష్టి.

- పట్టుకోవాలని సీతాకోక చిలుక వెంబడి పడితే అది దొరకదు. అదే నువ్వు రాయిల కదలకుండా ఉండు. అదే నీ మీద వాలుతుంది. సుఖాలు కూడా అంతే. మనం వెంట పడితే పరుగెడతాయి. అదే ఏమి చేయకుంటే మన దగ్గరికే వస్తాయి 













                

నవ జీవన వేదం - 352 (15 జూలై 2015)

# ప్రార్ధనా శ్లోకం
నను మన్నింపవు నాకు కన్పడవుగా నా పద్య నైవేద్యముల్
నిను త్రుప్తింబడజేయవకటా నీ దివ్యతేజంబు గన్గోనగా నేను
తపస్వినా కవిత నీకున్ లోకువా ఇంతకంటే ప్రేమించెటి వారె
లెవ్వారె భవానీ నాకు చూపింపుమా

# సనాతన ధర్మం
ఎప్పుడూ నిలబడి ఉండే ధర్మాన్ని సనాతనం అంటారు. ఎప్పుడూ ఏది నిలబడుతుంది. కాలానికి అనుగుణంగా మార గలిగితే నిలబడుతుంది.

# గోదావరి పుష్కరాలు - దాంపత్యం
(ఆచార్య వేతవూరు రామబ్రహ్మం)

                            ఈ వేమో మొగుడోయటందువు అతడు అబ్దీశానుడు
                            అర్ధాంగిరో రా రమ్మంచు తపించు ఇమ్మహిన్ భార్యాభర్త్రు
                            బంధంబు విద్యావిజ్ఞాన నిదానులందున కటా వ్యాపార
                            మైపోయి లక్ష్మీ వజ్రాహతి రాగవల్లికలు చచ్చించూవె గోదావరి

- పురాణాలు ప్రలోభ పెడతాయి. వేదాలు అజ్ఞాపిస్తాయి. కాని కావ్యం ధర్మాన్ని మన మనస్సుకి ఇష్టం అయ్యేలా చేస్తుంది.

- అవమాన సన్మానాలు పట్టించుకోని అవధూత - గోదావరి

సాహిత్యంలో హాస్యం - 232

# యూనిఫారం
ఒకప్పుడు ధనవంతులు, బీదవాళ్ళ పిల్లలు ఒకే స్కూల్లో చదువుకునే వారు. ఏవిదమైన బేధ భావాలు కలగకూడదని  యూనిఫారం నియమం పెట్టడంలో అర్ధం ఉంది. కాని ఇప్పుడు ధనవంతుల పిల్లలు టెక్నో స్కూల్స్ లోను, బీదవాళ్ళ పిల్లలు ప్రభుత్వ పాఠశాలల్లో చదువుతున్నారు . బేధ భావాలు కలిగే ప్రసక్తియే లేదు. ఇక యూనిఫారం ఎందుకు?

# ఒక స్త్రీ తెగింపు

ఒక స్త్రీ అర్దరాత్రి అమావాస్య, ముల్లు  గొంకలు పట్టించుకోకుండా నల్ల బట్టలేసుకొని అందంగా అలంకరించుకొని వెళ్ళిపోతుందట. అది చూసి ఒకరు
                                     క ప్రస్థితాసి కరబోరు ఘనే నిషీదే (చిమ్మ చీకటి)
                                     ఏకాకిని వద కదంన బిభీషిపాలె
ఏంటమ్మా? అర్ధరాత్రి ఇలాగ చిమ్మ చీకటి, దారి తెన్ను చూడకుండా ఎవరు తోడు లేకుండా వెళుతున్నావు అని ఇలా అడిగాడు

దానికి బదులుగా, ఆ స్త్రీ
                                 ప్రాణాధికో వసతియత్ర మన:ప్రియోమే 
                                 నన్వస్తీ పుంకిత శరో మదనస్సహాయక:

నా కంటే నాకు ఎక్కువైన నా ప్రియుని దగ్గరికి వెళ్తున్నాను. నా వెంబడి బాణాలు ఎక్కుపెట్టి మన్మధుడు నా వెంట వస్తున్నాడు.

- ప్రేమించిన వాళ్ళు తల్లిదండ్రుల ప్రేమని గురించి కూడా ఆలోచిస్తారు. అదే కామించిన వాళ్లకు తల్లిదండ్రుల ప్రేమ కనపడదు
- మనస్సును మదించే ఒక పిచ్చి కోరికకు మన్మధుడు అని పేరు. వాడికి శరీరం లేదు.
- శివుడు మన్మదున్ని దహించాడంటే జ్ఞాననేత్రంతో కామాన్ని జయించాడు. జ్ఞానం కలిగితే కామం నశిస్తుంది

# సామెత 
                      చేసేది జపం వేసేది గాలం (మోసం చేయడం అనే సందర్భంలో వాడుతారు)

తార్కికత లేని ఆస్తికత మూర్ఖత్వం అయిపోతుంది. తార్కికత మీదే ఆదారపడిన ఆస్తికత కూడా మూర్ఖత్వమే

చేసేను జపమతుడు కాదు విశ్వాసము చెలి చూపు బేడిసలమై నిగుడున్
చేసెదిడియు జపమన్ మరియు వేసెడిదుయు  గాలమనుత వృధగాకుండన్

నవ జీవన వేదం - 319 (28 మే 2015)

# దేనిని ఎలా ఎదుర్కోవాలి
- సుందరకాండ
సాగర స్యోర్మి జాలానామురసా శైల వర్ష్మణాం
అభిఘ్నంస్తు మహావేగ: పుప్లువేస మహా కపి:

-
ఆరంభింపరు నీచ మానవులు విఘ్నాయాస సంత్రస్తులై
ఆరంభించి పరిత్యజింతురు ఉర్విఘ్నాయత్తులై మధ్యముల్
ధీరుల్ విఘ్న నిహన్య మానులగుచున్ ధృత్యున్నతోత్సాహులై
 ప్రారాబ్దార్ధములుజ్జగింపరు గదా ప్రజ్ఞానిధుల్ గావుచున్

- మొదకస్తాడయా
మ- వద్దు; ఉదక- నీరు ; మోదక - లడ్డు
- షణ్ముఖుడు - కుమారస్వామి - సకల శాస్త్రాధిపతి

# తిక్కన్న - విరాట పర్వం - ఉత్తర గోగ్రహణం
- మాటలు కోటలు దాటుతాయి చేతలు గడపలు దాటవు
- మన భావనను బట్టే ప్రపంచం. మనం భయపడితే భయపెడుతుంది. తేలికగా తీసుకుంటే తేలిగ్గానే కనపడుతుంది.
- కౌరవ సైన్యం చూసిన అర్జునిని ఆత్మ విశ్వాసం
ఇది యొక పెద్ద గట్టిమొన ఈ మొనముందట గో గణంబుతో
అది యొక అల్ప సైన్యం ఆతల వేరొక కొంత సేన అల్లది ఇటు
పంచి పెట్టజని అన్నిటిలోన వృదాభిమాన దుర్మత బహు
భాషియైన కురురాజె చటంజనుచున్న వాడొకో 

- సమస్య మనల్ని భయపెట్టినంతకాలం మనం సమస్యని పరిష్కరించలేం

తెలుగు వెలుగు - 28 జూన్ 2015

#తెలుగు భాష ఔన్నత్యం

మట్టిలో పుట్టిన మాణిక్యాల సొబగులు
సంస్కృతం నుంచి తెచ్చుకున్న తేనె పట్టు
వలసొచ్చిన పదాల వలపులు
అలవోకగా పుట్టిన జానపదాల నగవులు
అనువాదాలతో వచ్చిన అన్యదేశ్యాలు
పరిమళమై పల్లవిస్తాయి జనం నోళ్ళలో నానుతాయి
పదాల పిట్టల్లా తెలుగు నేలపై వాలి సందడి చేస్తాయి
వాడుకలో ఒదిగిన భాషాసిరులు మన తెలుగు విరులు

#
మాతృ భాషలో మాట్లాడుదాం
మమతానురాగాలు పంచుదాం

# చొక్కాపు వెంకటరమణ

వీరు తెలుగు బాల సాహిత్యానికి చేసిన సేవలకు కేంద్ర ప్రభుత్వం కేంద్ర బాల సాహిత్య పురస్కారంతో గౌరవించింది

# సంతానం గురించిన చింత
(సంసార నటన - కాలకూర నారాయణరావు గారి ప్రహసనం)

కనెడు వరకు లేరు లేరనెడి చింత
కన్న తర్వాత వారి రోగముల చింత (బాలారిష్టాలు)
ఆవల అవిదేయులయి పోదురనెడి చింత
చదువులందు సర్వోన్నత స్థాన చింత
చింతయే కాదె సతతంబు సంతు వలెనా

# జాతీయం
ముక్తసరిగా మాట్లాడుతారండి
ముక్త - ముత్యం ; సరి - దండ

మాట్లాడేపుడు జాగ్రత్తగా సందర్భోచితంగా మాట్లాడితే ముక్తసరి అంటారు. అలా మాట్లాడితే మాట అందంగా ఉంటుంది, పని నెరవేరుతుంది,  తగాదాలు రావు

తెలుగు వెలుగు - 21 జూన్ 2015

# తెలుగు భాష స్థితి  
కావ్య నాటకాలకు ఆధారమైన భాష
సరస సాహిత్య్మందు రాజ్యమేలిన భాష
కవితలందు జనుల బతుకు నింపిన చారిత్రక భాష
జాతికి జీవ కర్రయై వారసత్వముగానందిన మాతృ భాష
కానీ నేడు బడుల యందు, పాలిన యందు, జనుల నాలుకల యందు సదిలి పోవుచుండె

# మనసు కవి ఆచార్య ఆత్రేయ
# కవనం అంటే కవిత్వం

# చిక్కారామదాసు 

చిక్కా రామదాసు గారు నల్లగొండ జిల్లా మరియాల వాస్తవ్యులు. వారు చిన్న వస్త్ర వ్యాపారి అయినా వారికి మాతృ భాష పై ఉన్న ప్రేమ వారిని తెలుగు సాహిత్య కళా పీఠం స్థాపించి భాషాభిమానాన్ని ప్రోత్సహించేలా చేస్తుంది.

వారి మాటలు:
- పిల్లలకు మాతృ భాష మీద మక్కువ ఏర్పడాలంటే శతకాలను పరిచయం చేయాలి .
- తెలుగుకి పట్టిన తెగులు గూర్చి వారి పద్యం
అమ్మ పదములోని కమ్మదనము పోయి పిరమిడ్ల మమ్మీలు వెలుగు జూసే
నాన్నాయనెడు మాట నాలుకనే వీడ డాడీల తూటాలు దాడి జేసె
అన్నయో తమ్ముడు యన్నగా బ్రదరాయె  చెల్లియో అక్కయో సిస్టరాయె
అత్తయిన పిన్నయిన ఆంటియె బాబాయొ మామయొ అంకులై మహిని వెలిగె
హాయ్ హలో అంచు షేకుహ్యాండు ఆటలాడ బై వెల్కమ్ ఒకేలు సీయు  యనెడి ఆంగ్లపదజాల
మీరీతి ఆక్రమింప తెలుగు భాషకు విడలేని తెగులు రగిలె

- పలకాలి తెలుగు మాట ప్రతి నోట కనబడాలి తెలుగు రాత ప్రతిచోట

# కాళ్ళ గజ్జి కంకాళమ్మ
కాళ్ళకు గజ్జి వచ్చిన సమయంలో చేసుకోవాల్సిన వైద్యాన్ని ఉక్తపదాగ్రస్త అలంకారంలో ఒక పాటగా పొందు పరిచారు 

కాళ్ళా గజ్జి కంకాళమ్మ వేగు చుక్క వెలగా మొగ్గ
మొగ్గా కాదు మోదుగు నీరు
నీరూ కాదు నిమ్మల బావి
బావీ కాదు బచ్చల కూర
కూరా కాదు కుంకం మెట్టు
మెట్టూ కాదు మేదర ఇల్లు
ఇల్లూ కాదు ఈగల తొట్టె
తొట్టీ జరిపీ పక్కన బెట్టు
కాళ్ళూ గడిగి గట్టున పెట్టు

# సామెత
కర్ణుడితో భారతం సరి కార్తీక మాసంతో వానలు సరి

# జాతీయం
ఆయనకు కొంచెం ఫాసిజం ఎక్కువ
ఫాసిజం అంటే గర్వం, సోకు, ఆర్భాటం

# పలుకుబడి
పేనుకు పెత్తనం ఇవ్వకూడదు